“Kroz Kočane nema šetnje”

Povodom najave litije u MZ Kočani i okupljanja kod crkve, starosjedioci ove mjesne zajednice s ogorčenjem reaguju na ovu namjeru:

Poštovane komšije i prijatelji, vi koji imate namjeru pridružiti se ovim okupljanjima pozivamo vas da to ne činite. Pozivamo vas da vašom histerijom ne remetite tišinu sakralnog objekta koji sagradiše naši preci, vjerujući da time grade objekat za širenje vjere, ljubavi i duhovnosti. Duhovnosti i vjere u Crnu Goru i njenu slobodu, koja ih je vodila i nosila u svim slobodarskim bitkama, pa i onoj u kojoj oslobodiše ovo parče zemlje na kojem vi danas cirkusate.

Poštovane komšije i vi koji to nijeste, ne unosite nemir u naš mir i umjesto vjere, nevjeru jednih u druge. Ne prisvajajte ono što nam đedovi u amanet ostaviše i ono što ćemo mi našoj đeci ostaviti, da zajedno sa vašom koriste u zdravlju i slozi.

NE DAMO CRNU GORU!!