Austrijanka Kornelija Huter pobijedila je danas u Sent Moricu, u drugom superveleslalomu sezone Svjetskog kupa alpskih skijašica.
Ona je do drugog trijumfa ove sezone, osmog u Svjetskom kupu u karijeri, došla u vremenu minut, 15 sekundi i 18 stotinki.
Ove sezone pobijedila je i u spustu, u Biver Kriku.
Huter je 18 stotinki bila brža od drugoplasirane Švajcarkinje Lare Gut Behrami, dok je pobjednica superveleslaloma u Biver kriku, italijanska skijašica Sofija Gođa, bila treća sa 33 stotinke slabijim vremenom od pobjednice.
Italijanka su pripale i naredne tri pozicije – Elena Kurtoni osvojila je četvrto, Federika Brinjone peto, dok je šesta bila Laura Pirovano.
Slovenka Ilka Štuhec nastup je završila na 18. mjesto, dok je Elmedina Muzaferija imala 37. vrijeme.
Gođa i Gut-Behrami dijele prvo mjesto na tabeli u plasmanu superveleslaloma sa po 160 bodova i imaju deset više od trećeplasirane Huter.
U generalnom poretku Švajcarkinja Kamil Rast je prva sa 287 bodova.
Huter je druga sa 250, dok pet bodova manje ima trećeplasirana Mikaela Šifrin.
Skijašice će i sjutra u Sent MOricu voziti superveleslalom.
