Fudbaleri Atletiko Madrida savladali su Hetafe na svom “Metropolitanu” rezultatom 1:0 u 17. rundi La lige.
Nižu se pobjede ekipe Čola Simeonea, čak 11. u nizu u svim takmičenjima što je vratilo u borbu za titulu gdje ih mnogi nisu vidjeli poslije ne tako uvjerljivog početka sezone.
Imao je Atletiko i više od igre u pojedinim momentima, ali nijesu uspijevali da pronađu put do mreže Davida Sorije.
Sve dok nije došao 69. minut kada je odličan centaršut uputio Nahuel Molina, a Aleks Serlot se poklonio iz zahtjevne pozicije i pogodio.
Atletiko je došao do 38. boda, koliko ima i Barselona, dok je jedan manje na mjestu broj tri sakupio Real Madrid.
U narednom kolu, Madriđani gostuju Barsi na “Monžuiku”.
