Aleksandar Boljević bio je strijelac za Željezničar u porazu svoje ekipe od Zvijezde 09 rezultatom 2:1.
Naš povremeni reprezentativac je donio vođstvo Željezničaru, ali “plavi” nisu izbjegli 11. uzastopni poraz na gostovanjima.
Željo je u ovaj meč ušao nakon ubjedljive pobjede nad najvećim rivalom Sarajevom na Grbavici, pa je neuspjeh protiv Zvijezde 09 žestoko naljutio trenera Bruna Akrapovića.
“Postigli smo gol za vođstvo, a onda iz jedne naivnosti i amaterske reakcije, kako kod prvog, tako i kod drugog gola, došli smo u situaciju da gubimo. Jasno je da imam posla s gospodom koja bira utakmice i kada će igrati. Vrijeme je da to promijenim. Imaćemo drastične mjere koje neće da im se svide”, rekao je trener Željezničara, koji je sada na samo bod od zone ispadanja.
Ka šampionskoj tituli gazi Borac, bivšeg kapitena Budućnosti Vasilija Terzića. Banjalučani su kao gosti savladali Zrinjski, trenera Željka Petrovića, pa sada imaju 12 bodova viška u odnosu na prošlogodišnjeg šampiona.
